Fakulteti i Edukimit, me lokacion në qendër të Prishtinës, përfaqëson një nga investimet më të rëndësishme në kuadër të kampusit universitar të kryeqytetit. I konceptuar për të përmbushur standardet bashkëkohore të arsimit të lartë.

Me një etazhitet B+P+4, ndërtesa është realizuar brenda një periudhe më pak se dyvjeçare. Objekti shtrihet në një sipërfaqe totale neto prej 6,315.83 m², të organizuar në 6 nivele funksionale.

Fakulteti përfshin një sallë amfiteatri me kapacitet deri në 300 persona, e përshtatshme për ligjërata, konferenca dhe aktivitete akademike. Përveç saj, objekti disponon 9 dhoma mësimi të pajisura me nga 50 ulëse secila, duke ofruar kushte të përshtatshme për zhvillimin e mësimit në grupe të mesme, 10 hapësira laboratorike të destinuara për punë praktike dhe kërkimore, si dhe 25 kabinete për personelin akademik dhe administrativ.

Sot, Fakulteti i Edukimit qëndron si një simbol i zhvillimit të vazhdueshëm të infrastrukturës arsimore në vend dhe si një hapësirë që kontribuon drejtpërdrejt në formimin e brezave të rinj të profesionistëve të arsimit.